Aiurri aldizkariaren 460 zenbakia bihar eta etzi banatuko da

460 aldizkariaren banaketa hastear da. Bihar eta etzi artean banatuko dira aldizkariak harpidedunen etxeetan. 'Anakruxa musika taldea, inoiz ez da berandu' du izenburu azken zenbakiak eta, besteak beste, taldekiden hitzekin osatutako erreportajea biltzen du barruan. Zigor Leunda Gipuzkoako Bertsolari Txapelketan epaile ari den billabonatarrari edota Maite Amenabar Zizurkilgo zinegotziari eginiko elkarrizketak ere tartean dira. Era berean, Pili Legarra alkateak eta Prometea taldeko Zorione Aierbek Asteasuko trafikoa berbideratzeko prozesu parte hatzailearen berri azaldu dute. Joxe Moraluze eta Migel Mari Izagirrek ondokoa izutzeko kalabazak argitan nola jartzen zituzten kontatzearekin batera. Tartean dira, nola ez, Andoaingo 400. mendeurrena borobiltzeko antolatu den udazken oparoaren nahiz Oinkari dantza taldearen 40. urteurreneko ospakizunen berri. Aurkibidea osorik: