Aiurri aldizkariaren 459 zenbakia harpidedunen artean banatzear

Ekintzaz beteta dator udazkena Amasara. Izenburu horixe bera izango du astebururako harpidedunen etxeetan banatuko den 459 aldizkariak. Amasa Tolosarengandik bereizi zela 400 urte bete direnean, urteurrena oroitzeko ospakizunak antolatzeaz gain, Samartinak ere ate-joka ari baitira. Gipuzkoako Bertsolari Txapelketaren baitan, Ion Zaldua gai-jartzaileari eginiko elkarrizketa biltzen du eta baita ETBko Gu ta gutarrak saioko Gorka Diez andoaindar gazteari eginikoa ere. Elkarrizketen artean dira Xatonio Irazu adunarrari nahiz Larraulgo alkate Aneli Urbietari eginikoak ere. Bestalde, Asteasuko Goibailarako Azkonobieta baserriaren historia jasotzen duen erreportajea ere tartean da, bertan jaiotako Joxe Antonio Arrutiren azalpenak biltzen dituena. Beñat Madariaga, robotak pasio dituen zizurkildarrak edota Nabila Baujemaa Marokotik Zizurkilera etorritako herritarrak ere hartu dute hitza. Errigorako udazkeneko kanpaina ere mintzagai da: ‘Nafar hegoaldeko uzta, euskarari puzka’. Bukatzeko, kontzertuak eskaintzen hasi berri den BiHozkada musika taldeko kide Iñaki Lizasok euren abiapuntuaren berri azaldu du: