Zazpi elkartek hartu zuten parte lehiaketan: Amasa-Villabonako Irrintzi, Behar Zana, Zunbeltz, Uxo Toki eta Ubanek, Asteasuko Aitzondok eta Zizurkilgo Urkamendik. Ongi etorriko Arantxa eta Elena Lazkanok, Sutondoko Jose Mari Yarza eta O´babako Jose Civitek osatu zuten epaimahaia eta platera dastatu ondoren, 90 puntu eman zizkien Behar Zanako sukaldariei. Irrintzi elkartea bigarren geratu zen 87 punturekin eta Ubane hirugarren 69rekin.
Joan zen larunbatean Irrintzi elkarteak antolatutako XX. Azoka Berezia arrakastatsua izan zen, ohi denez. Eguerdi partean, bereziki, jende andana bildu zen Txermingo ikastola azpian. Denetariko 50 postu, produktu ezberdin eta ugariak eskainiz eta salduz. Eguerdian, postu dotoreenak saritu zituen Villabonako Udalak eta Berrobiko Iñigo Erauskin eztigilearentzat izan zen lehen saria. Tolosako Zarberri birziklatutako gaiekin osatutako postuak eskuratu zuen bigarrena.
Azokarekin batera, elkarteen arteko XX. Isats Gisatuen lehiaketa ere burutu zen. Behar Zana elkartea izan zen txapeldun, Eneko Amondarain eta Enrike Merinok prestatu zuten isatsarekin:
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!