Larunbat arratsaldekoa tamaina handiko ikuskizuna izango da. Zaldiak, gurdiak, gudarosteak,... ehunka izango dira parte hartzaileak, eta baita bisitariak ere. Horrek, noski, kale nagusietako trafikoan eragingo du. Zehazki, Zumea plaza eta Goikoplaza artean. Inguru haietan eta Kaleberrian mozketak izango dira. Udaltzaingoa antzezlanaren atal ezberdinak bukatu ahala, kale horiek ibilgailuentzat irekitzen hasiko da. Mozketa horiek eragina izango dute bus zerbitzuetan ere. Adi, beraz, herrian sartu-irteeran ibiliko direnentzat.
Segurtasun neurriak:
URNIETATIK ANDOAINERA
Urnietatik Andoainera ikuskizunaz gozatzera etorri nahi duenak Leizotz industrigunean edota La Salle Berrozpe ikastetxeko jolastoki irekian ibilgailua utzi ahal izango du. Bus eta tren zerbitzua alternatiba egokienak dira.
SEGURTASUN NEURRIAK
Ikuskizunak ez du arriskurik sortuko, baina fusilariak lanean ari direnean antolaketak segurtasun neurriak betearazteko bolondresak lanean jarriko ditu. Haien argibideak jarraitzeko gomendioa luzatu dute, ezustekorik izan ez dadin.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!