Denboraldi aurreko azken partidak izango dira, liga irailaren 12-13an abiatuko baita. Bertan lehiatuko da Euskalduna SD taldea, iaz denboraldi dotorea egin eta gero igoera lortu baitzuen. Lesakan jokatuko dute lehen partida, Beti Gazteren aurka. Bigarren jardunaldian debuta egingo dute Ubitarte futbol zelaian, Andoainen bertan, Orioko taldearen aurka. Hauek ere igo berriak dira ohorezko mailara.
Aurre denboraldian sartuta dago Andoaingo Euskalduna futbol taldea, Gipuzkoako gorengo mailari ekiteko. Aurreko asteburuan Tolosaren aurka jokatu zuen Larramendi txapelketako final aurrekoan. 1-2ko emaitzarekin galdu zuen eta larunbat honetan arratsaldeko 16:30etan 3-4. postua jokatuko du. Txapelketako finala arratsaldeko 18:30etan hasiko da.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!