Aurtengo egitarauan, bestalde, euskal preso eta iheslariak gogoan antolatu ohi ziren ekintzarik ere ez da ageri. Aldaketa horiek guztiak ez dituzte ontzat hartu festa batzordea osatzen duten elkarte eta norbanako ugarik. Guztira festen antolakuntzan 10 talde pasatxo lanean aritu bada, atzo arratsaldean egitekoa zen festen egitarauaren aurkezpenera hiru ordezkari besterik ez zen agertu eta aurkezpena bertan behera uztea erabaki zuten plazan bildutakoek. Santio jaien aurreko asteak beroak izaten ari dira herrian, ea epe laburrean tentsioak baretu eta festa-giroa nagusitzen den.
2009ko uztailaren 31n, presoen aldeko elkarretaratzean Ertzantzarekin izandako ika-miken ondoren zendu zen Remi Ayestaran zinegotzi billabonatarra. Geroztik, urtero gogoan izan da Remi festetako azken egunean, Remi Gogoan ekimenak bere izena duen gertaera tokian bertan omenaldia eskaintzen diolarik. Aurten, bada, omenaldi hori festetako egitarautik kanpo geratu da eta Remi Gogoan ekimenak erabaki hori salatu asmoz, agerraldia egingo du gaur iluntzeko 19:00etan Remi Ayestaran pasealekuan:
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!