Aiurriren 454 zenbakia labetik ateratzear

Bihar osteguna eta ostiralean zehar banatuko da Aiurri aldizkariaren 454 zenbakia harpidedunen etxeetan. ‘Irizarren lantegi berria Adunan’ du izenburu eta 2016an Adunan autobus elektrikoak egiteko altxatuko duten eraikinaren inguruan hitz egin du, besteak beste, Irizarko lehendakari nahiz finantza zuzendari den Gorka Herranzek. Era berean, Andoaingo Senai zentroko kideek haurrei zuzendutako yoga saioen onurak izan dituzte hizpide eta, Irati Amondarain enologo andoaindarrak bere lanaren eta etorkizuneko asmoen berri azaltzearekin batera, Amasa-Villabonan zabaldu duten Erreka txakur eta katuentzako hotel berria aurkeztu du Oscar Medina Lasak. Zizurkilen, duela hilabete eskas kartzelatik ateratako Ander Geresta preso ohiak hartu du hitza eta Asteasun, Nerea Linazasorok, Nepal herriari laguntzeko eskuartean duten ekimenaren berri azaldu du. Gai horiez guztiez gain, badira gehiago ere. Aurkibidea osorik: