Estrainekoz, San Juan suaren inguruko ospakizuna aberasteko akelarrea irudikatzeko saiakera egin zen, emaitza ikusgarriarekin. Saio dotorea eskaini zuten, jaiak berezkoa duen ikusmina areagotuz. Txanbolin, antzerki tailerra, gazte funky taldea, Buruntzantzan eta hainbat herritarrekin batera udaren etorrerako festa ahaztezin bilakatu zuten.
Gaua iristeko minutu asko falta ziren arren, plazako harmailak herritarrez betetzen hasi ziren. Dantzari gazteek eta perkusioko kideek kalejirako azken saioa bertan egin zuten. Ondoren, haiek eta beste zenbait eragilek akelarrea antzeztu zuten. Muntaia bikaina izan zen, ikusleek txalo zaparradarekin hartu zutena. Akelarrearen ospakizuna Urnietan egonkortzeko jaio da. Zorionak!
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!