Aburuza eta Gaztañaga Gipuzkoako Aldundiaren XIV. sagardo lehiaketako finalean

Erabiltzailearen aurpegia Aiurri 2015ko eka. 4a, 14:59

Adunako Aburuza sagardotegiak eta Andoaingo Gaztañaga sagardotegiak Foru Aldundiak antolatutako sagardo lehiaketaren finala jokatuko dute larunbat honetan. 17 herritako 35 sagardotegik hartu dute parte, eta horietatik sei iritsi dira finalera.

  • Aburuza sagardotegia Aduna
  • Gaztañaga sagardotegia Andoain
  • Altzueta sagardotegia Hernani
  • Begiristain sagardotegia Ikaztegieta
  • Gartziategi sagardotegia Astigarraga
  • Olagi sagardotegia Altzaga


Finala larunbat eguerdian izango da, 12:00etatik aurrera, Donostiako Euskal Gastronomia Elkartean egingo den dastaketan. 

Honako hauek osatuko dute epaimahaia: Juan Zuriarrain kimiko eta enologia aholkularitzan teknikoak, Fernando Vadillo enologoak, Agurtzane Andueza kimikoak, Guillermo Castaños biokimiko eta enologoak, Xabier Kamio enologoak eta, azkenik, Irati Amondarain enologoak.

Irabazleak 3000 eurorekin batera, txapela eta trofeoa eramango ditu etxera. Bigarrenak, 1500 euro eta garaikurra eta hirugarrenak, 1000 euro eta garaikurra.

Gizartea
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!