Eskerrik asko Zubimusutarroi
Larunbateko jaiak utzi zizkigun irudi eta oroitzapenak burutik kendu ezinik gabiltza. Emozionatuta eta oso pozik heldu diogu astelehenari.
Zubimusu garela eta Zubimusu sentitzen dugula erakutsi genuen larunbatean.
Dena ezinhobeto atera zen zuei esker. Zein baino zein hobeto portatu zineten, eta nola ez, lanean ibilitako boluntario guztiak. Inork ez zion muzinik egin lanari. Eta lana bazegoen. Goiztiarrenak paelleroak izan ziren 07:30erako sartu baitziren su artera Txapeldun tabernako Jorge Costa chef zutela. Ondorengo guztiek ere ez zuten lan makala egin! Merezi izan zuen ahaleginak. Paella gozoa eta konpainia primerakoa.
Eta egunak askorako eman zuen. Ezin ahaztu 4. DBHko ikasleen ikuskizuna eta ikasle zein irakasleei emandako sorpresak. Irriak eta malkoak izan ziren protagonista. Hango omenaldi, kantu, jolas, bertso...
Eskerrik asko benetan den-denoi eta bereziki:
Ikastolako Guraso Elkarteari, guraso, aiton-amona, ikasle eta irakasleei.
Herriko elkarteei: Behar-Zana, Zunbeltz eta Irrintzi.
Udaletxeei: Villabona, Zizurkil eta Asteasu.
Ikastolei: Tolosako Laskorain, Anoetako Herri Ikastola, Donostiako Santo Tomas lizeoa.
Eta Askora enpresari.
Aho zapore ona utzi digu Ikastolako Jaiak eta espero dugu zuei ere baietz. Gozatu zenutelakoan, hurrengoaren zain!