Joan zen larunbatean El Salvador eta Aiztondo bailararen arteko urteroko Senidetze eguna burutu zen, aurtengoan Amasa-Villabonan. El Salvadorretik eskualdera gerturatu ziren ordezkariek eskerrak eman zituzten dagoeneko 20 urtez jasotzen duten babes eta diru-laguntzagatik eta diru horri esker, hezkuntza sustatu nahiz ur edangarria eskuratu dutela jakinarazi zuten, besteak beste. Senidetze egunaren baitan hainbat ekimen egin zen Villabonan egun osoan zehar: Harrera instituzionala Villabonako udaletxean, harrera herrikoia Berdura plazan... Tartean, argazkian ageri den martxa internazionalista, erraldoi, buruhandi eta ipotxek lagunduta. Pintxo solidario eta barrikoteaz gain, txarangarekin alaitutako bazkaria ere egin zuten.
Egin AIURRIkide!