EAJ-PNV: "Alderdi bezala egoera aztertzeko ez dugu denborarik izan. Hotz hotzean aztertuko dugu egoera berria"
Pozik dago Marijose Izagirre jeltzalea Andoainen lortutako emaitzarekin: “Oso balorazio positiboa egiten dugu, jeltzaleen boto kopurua asko igo delako. Andoaingo alderdi handien artean (Bildu, PSE, EAJ), bakarrak gara botuetan eta ordezkaritzan igo garenak. Gustura gaude geroz eta herritar gehiagok gurekin bat egiten dutelako. Bi alderdi berri sartu dira udaletxera (Ganemos, Irabazi), eta haien ibilbidea ikusi beharko da”.
Ekainaren 13ra begira:
Ekainaren 13ra begira eta gehiengo politikoei begira, zein da Izagirrek egiten duen hausnarketa? Zuhur erantzun dio Aiurriri, “Lanean hasteko irrikitan gaude, gure proiektua aurrera ateratzeko. Gehiengoak? Alderdi bezala egoera aztertzeko ez dugu denborarik izan. Hotz hotzean aztertuko dugu egoera berria. Denekin eseri eta hitz egiteko prest gaude, gure egitasmoa kontuta hartuz”.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!