Oso pozik agertu zen atzo iluntzean Iban Agirre, Amasa-Villabonako EAJ-PNVko hautagaia Amasa-Villabonako Udal hauteskundeak irabazi zituztela jakin ostean. Esperotako emaitza jaso zutela eta haien aurreikuspenak bete egin direla azaldu zion Aiurri aldizkariari. "Pozik gaude jendearengana iritsi garelako eta baita gugan konfiantza jarri dutelako ere":
Zoriontsu baina era berean urduri ere bazegoela adierazi zuen Ibanek, "sekula ez naizelako langintza honetan aritu eta ondo egin nahi dudalako". Denen iritzia jakin nahi duela defendatu zuen, "EAJ-PNVk irabazi du Amasa-Villabonan, baina EH Bilduk ere bozka asko jaso du eta guztien iritziak entzun nahi ditut, beraz. Botoetan irabazi egin dugu, baina parekatuta geratu gara: EAJk sei zinegotzi izango ditu, EH bilduk beste sei eta PSE-EEk bat".
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!