Santio festen barnean, uztailaren 28an egingo den kontzerturako taldeak zeintzuk izango diren erabakitzeko prozesu parte hartzailea zabaldu zuen Amasa-Villabonako Udalak. Bozketaren emaitzak plazaratu berri dituzte. Herriko Lain taldea izan da bozketaren garailea, 102 bozkarekin. Esne Beltza izan da bigarrena, 78 bozkarekin eta bat gutxiago jaso du Los Chikos del maiz taldeak. Vendetta eta Su ta gar izan dira laugarren eta bosgarrenak. Udalak jakinarazi duenez, bozketako lehen bi postuetan geratu diren taldeek (Lain eta Esne Beltza) izango dute uztailaren 28ko kontzertuan jotzeko aukera.
Udalaren iritziz, arrakastatsua izan da ekimena, 328 herritarrek parte hartu dutelako. Barkamena eskatu nahi izan dute, hala ere, arazo informatiko bat tarteko, joan den asteburuan bozketa behar baino 24 ordu lehenago itxi zelako, eta aldi berean eskerrak eman prozesu honetan parte hartu duten guztiei.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!