Gainean da egun handia. Zizurkildarrek inoiz taula gainean egindako espektakulu handiena larunbatean, maiatzaren 16an, izango da. “Bazan herri txiki bat” musika, kantua, bertsoa, dantza eta antzezpena uztartzen dituen herri antzerkian 100 herritarretik gora ari dira lanean azken hilabeteetan. Ikuskizuna, azkenean, Zizurkilgo Intxaur frontoian egingo da, eguraldi iragarpena tarteko Joxe Arregi plazan egitea ezinezkoa izan baita. Gaueko 22:30etan da zita.
Zizurkilgo Udalak hala ere, erraztasunak jarri nahi ditu ekimenera ahalik eta jende gehien hurbil dadin. Autobusak jarriko dira Zalduako errotondaren ondoan dagoen autobus-geltoktik Zizurkil Gora bidean. Hiru irteera egingo ditu autobusak, gaueko 21:45, 22:00 eta 22:15ean. Bueltakoa berriz 00:00etan eta 00:15ean izango da. Kostako da berriz horrelako ikuskizuna errepikatzea Zizurkilen, Udalak eta herri antzerkiko kide guztiek gonbidapena luzatzen diete herritar guztiei. “Hau historikoa izango da! Gora Zizurkil!”.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!