Asteasu Batuz plataformako ordezkariak:
-Pili Legarra Kortajarena
-Jose Ramon Ayerza Sarasua
-Haritz Mugika Lasa
-Maria Pilar Iturbe Urdangarin
-Joseba Txapartegi Nieve
-Aitor Usandizaga Izagirre
-Antonio Elizegi Orbegozo
-Larraitz Alkorta Aizpurua
-Julen Larruskain Oiaga
Ordezkoak:
-Jose Loinaz Lasa
-Koldo Mirena Arrieta Zubillaga
-Ainhoa Bakero Eskudero
Asteasu Batuz plataformaren xedeak:
“4 urte igaro dira jadanik udalera iritsi ginenetik, azkar pasa gainera. 4 urte ontzi hau zuzentzen, udaletxeko jarduna, proiektuak eta herritarrekiko erlazioa lantzen, politika egiteko modu berri bat proposatzen. Lan handiko 4 urte, agerikoa izan den lana eta ez dana, sukaldekoa, egunerokoa, sentimenduz beterikoa. ‘Zeozer egitea’ ez baita soilik eraikinak, instalakuntza handiak eta obrak egitea, ‘zeozer egitearekin’ ez dugulako konformatu behar, horrela ulertzen dugu herrigintza Asteasu Batuz osatzen dugun emakume eta gizonek. Gure inbertsio handiena PERTSONEtan datza, herritarrak eta hauen ongizatea baita daukagun balorerik handiena, haur, gazte, emakume, gizon eta adindun jendearen defentsa alegia.
4 urte inoren kontra joan gabe aritu gara lanean, herritarrak nazkatuta baitaude hitz hutsekin, hitz potolo eta sentimendurik gabeko diskurtsoekin. Gure diskurtsoa gure proiektuen defentsa izan da eta izango da, hori da gure kreditu nagusia. Proiektuok finantzatzeko diru iturriak lortzeko gogor lan egin dugu, 24 dirulaguntza espediente tramitatu direlarik. Udalaren, herritarren diruak arduraz kudeatu ditugu, hauxe eta udalaren ondare eta errekurtsoak, denonak baitira.
Ondorengo 4 urteetan, arduratsu lan egitea da gure helburua, ezkertiar eta abertzale ikuspegi batetik. Xede honetan irmoki sinesten dugularik aurkezten gara berriz udal hauteskundeetara. Aurpegi berriekin, kolektibo guztiek bere ordezkaria eduki dezaten saiatu gara, baita lortu ere, politikagintzak gaur egun behar duen freskotasuna lortuz. Sartuko diren pertsona berri hauei gure animorik handiena eskaini nahi diegu.
Gure lana gustukoa izango duzuelakoan, badakizue non aurkituko gaituzuen: kalean, Asteasun, Euskal Herrian, zuen ondoan, herri honen alde lanean”.