Eusko Jaurlaritzako Nekazaritza eta Abeltzaintza zuzendaritzak hiru kategori saritzen ditu lehiaketa honetan: esnetarako behi-azienda, okelatarako behi-azienda eta esnetarako ardi-azienda. Lehen horretan urnietarra garaile izan da.
Euskal Autonomia Erkidegoko Abeltzaintza Ustiapenen XV. Lehiaketan, esnetako behien lehenengo saria irabazi du Urnietako Sabordegi baserriko Ibon Peñagarikanok. Joan den apirilaren 25ean egin zen sari banaketa ekitaldia Gasteizko Arkauteko nekazal eskolan.
Baliabideen kudeaketa jasangarria egiten duten abeltzaintza ustiategiak saritzea da Eusko Jaurlaritzak zuzendutako txapelketaren helburu nagusia. Oso pozik agertu da Ibon Peñagarikano irabazitako sariarekin: “guretzat lana eta bizimodua denaren errekonozimendua da… gauzak ondo egiten saiatzen ari garela adierazten du sariak”.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!