“Jai batzordeko bileran talde izen batzuk proposatu ziren, eta orain Amasa-Villabonako herritar guztiek proposatu ditzakete taldeak. Horretarako, talde baten izena proposatu dezake herritar bakoitzak ondoko e-mailera idatzita: gaztekontzertua@gmail.com. Apirilaren 24an 14:00etan bukatuko da taldeak proposatzeko epea. Herritar bakoitzak behin bakarrik proposatu dezake talde bat (ez gehiago), bere izen-abizenak emanda. Horixe da orain arte egin beharrekoa; proposatutako talde guztiak dauzkagunean, konprobatuko dugu posible dela talde horiek uztailaren 28an Villabonan izatea, eta orduan zabalduko dugu Interneteko bozketako fasea. Jakinaren gainean jarriko zaituztegu”, horixe jai batzordeko kideen mezua.
Santioetako Gazte Eguneko kontzertuko taldea(k) herritarrek aukeratuko d(it)u(z)te
Apirilaren 16an, Santio jaietako 2015eko lehen jai batzordeko bilera egin zen. Bertan landutako egitarauaren zirriborroaren arabera, uztailaren 28an, asteartea, kontzertua izango da, jaietako Gazte Egunaren barruan betiere. Aurten, gainera, herritarrek aukera izango dute kontzertu horretan parte hartuko du(t)en taldea(k) aukeratzeko. Beraz, Interneten bozkatzeko aukera izango da, baina hori aurrerago izango da. Orain zerrenda hori osatuko duten taldeak proposatzeko aukera izango dute herritarrek:
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!