Aurtengo Sanjuanetarako proposamenak egiten hasteko unea da. Festak ekainaren 19tik 24ra izango dira eta jaietako egitarauan sartzeko ekintzen proposamenak jaso nahi ditu Udalak.
Herritarrek apirilaren 30era arte izango dute iritzia emateko aukera. Buruan ideiarik izanez gero, ahalik eta xehetasun gehienekin aukeztu beharko da Bastero Kulturgunean: zein den proposamena, ekintzaren eguna eta ordua, aurrekontua, azpiegitura… Gainera, proposamenean bi egun aukeratu beharko dira, lehenengoan posible ez balitz bigarren aukera bat izateko. Kasu horretan, egun berean ekintza batek baino gehiagok topo eginez gero, bigarren egun horrek aldaketak egiteko aukera emango diete.
Pregoirako proposamena
Bestalde, beste deialdi bat ere ireki dute, txupinazoa eta pregoia nork egin erabakitzeko. Proposamenak egiteko aukera jada irekita dago eta horrela mantenduko da maiatzaren 8ra arte. Basteron eta udaletxeko Atarian dauden postontzien bidez eman daiteke iritzia. Deialdi honetan, txupinazoa nork botatzea nahi den azaltzeaz gain, horren arrazoia ere derrigorrezkoa izango da izendatua onartu dadin.
