Bihar eta etzi banatuko da Aiurri aldizkariaren 448 zenbakia

‘Herri txikien burujabetza kantagai’ izenburupean banatuko da bihar eta etzi Aiurri aldizkariaren 448 zenbakia. Izan ere, Sorozabaletik Mendiluzera ekimenak apirilaren 19an bertso afaria antolatu baitu Andoainen eta afalostean kantuan arituko diren Ion Beloki, Oihana Iguaran eta Unai Mendiluze elkarrizketatu ditu. Amasa-Villabonan Unai Manzisidor gazteak hartu du hitza, Memoriaren asteari nahiz gune estalien ekimenari ere aipamena egiten zaielarik. Asteasuko Zumargain landa-etxe berria nahiz Zizurkilgo Gaztezulo ezagutzeko aukera izango da. Bestalde, hondakin sistema berriak fruitu baikorra eman ditu Adunan eta alkateak berak emango du emaitzen berri. Herritarren txokoan, hogeita hamar urtez Zizurkilgo apaiz izan den Jesus Mari Olanok hartu du hitza. Pil-pilean atalean, txekor isats gisatu goxoa prestatzeko aukera eskainiko da. Udaberrian murgilduta, Idoia Goikoetxeak alergiez hitz egingo du. Hori guztia eta gehiago labetik ateratzear den azken zenbakian: