Kirol ezberdinak praktikatzeko eta kirol ohiturak bultzatzeko aukera eskaintzen die programa honek herriko ikasleei. Gaur egun, Lehen Hezkuntzako hirugarren eta seigarren maila bitarteko haurrek hartzen dute parte; guztira, 180 ikaslek.
Herri mailako heziketa proiektu bat garatzea da Eskola Kirolaren helburua. Hala, talde jolasa, adiskidetasuna, joko garbia eta areriorekiko errespetua transmtitu nahi ditu. Gainera, kirolaren bidez adingabeen garapena ere bideratu nahi du. Hitzarmenak dioenez, estereotipo eta roletatik at, berdintasun baldintzetan, bizimodu osasungarria eramateko kirol praktikak sustatzen dira.
2014-2015 ikasturtean, urritik aurrera izango dute Eskola Kirolean aritzeko aukera.