Goizeko 08:00ak aldera, Loatzo musika eskolako dultzainero nahiz txistularien dianak Korrika herrira iristear zela erakutsi zuten. Ordu horretarako testigu aldaketen guneak herritarrez betetzen hasi ziren eta 08:30etan kaleak jendez gainezka zeuden, jai giroa nagusi zela. Korrikako furgoneta Otsabiko aldapan behera agertu zenean, poza eta emozioa nagusitu ziren. Euskararen aldeko lasterketa giro onean igaro zen Villabonatik ere.