Andoaingo Udalak antolatzen du urtero Rikardo Arregi Kazetaritza Saria, Eusko Jaurlaritzaren diru-laguntzarekin eta babesarekin. Helburua euskarazko kazetaritzaren kalitatea, bikaintasuna eta berrikuntza bultzatzea da. Aurkezpen ekitaldian partaide izan zen Beñat Zamalloa ere, iaz Rikardo Arregi Saria eskuratu zuen kazetaria.
26 urteko ibilbidean euskal kazetaritzaren erreferentzia bihurtu da Rikardo Arregi Kazetaritza Saria, eta egun euskarazko kazetari lanean sona handikoak diren hainbat sinadura ezagunek jasoa dute sari hori.
Patxi Baztarrika Eusko Jaurlaritzako Hizkuntza Politikarako sailburuordeak eta Esti Mujika Andoaingo Udaleko Euskararen Normalizaziorako zinegotziak, XXVII. Rikardo Arregi Kazetaritza Sarira lanak aurkezteko deia egin, eta beronen oinarriak aurkeztu zituzten aurreko ostiralean Donostian, prentsaren aurrean burutu zen ekitaldian.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!