Leizaran Eskubaloi taldeko emakume jubenilen Lanbroa Taberna taldea, Gipuzkoako liga txapelketa hirugarren postuan amaitu ondoren, Euskal Ligako hurrengo fasea jokatu ahal izateko igoera sektorera sailkatu da.
Asteburuan lehiatuko dira beste hiru talderekin batera: Leizarango neskek ostiralean Oñatiko Mendiraren aurka jokatuko dute, Irungo Artaleku kiroldegian arratsaldeko 17:30ean. Larunbatean, bizkaiko Muskiz taldea izango dute aurkari, arratsaldeko 19:30ean, eta azken partidua igandean izango da, Usurbilen aurka, goizeko 10:00etan Irungo Uranzu pilotalekuan.
Beste multzoan diren San Adrian (Bilbo), Eibar Eskubaloia, Legazpia eta Bera Berak Bilbon jokatuko dute sektorea. Euskal Ligako hurrengo fasea jokatzeko aukera multzo bakoitzeko lehen bi sailkatuek izango dute, aurten Euskal Ligan aritu diren Zuazo (Barakaldo), Kukullaga (Etxebarri), Errotabarri (Ermua) eta Aiala ZKE (Zarautz)-rekin batera.
Leizarango zuzendaritza taldeak Leizarango kide eta eskubaloi zale guztiei asteburuan Irunera gerturatzeko deia luzatu die.
