Aiurri hamaboskariaren 443 zenbakia, labetik ateratzear

‘Andoaingo herri antzerkia, taularatzeko prest’ izenburuarekin etorriko da urtarrilaren 23ko Aiurri aldizkaria, bihar eta etzi artean harpidedunen etxeetara banatuko dena. Izan ere, Andoaingo Katramila antzerki taldeak eta beste hainbat eragilek Andoaingo 400. urteurrena gaitzat hartuta, otsailaren 1ean Basteron taularatuko duten herri antzerkia prestatu baitute. Era berean, Susana Truchuelo andoaindar historialariari eginiko elkarrizketa biltzen da aldizkarian, Andoain herri bilakatu zen garaiaren inguruan liburuxka osatu eta gero. Amasa-Villabonan, Joxe Ramon eta Urki Galarraga aita-semeek hartu dute hitza, urtarrilaren 30eko Aljibe gauean txiste kontalari aritu aurretik. Euren kirolerako zaletasunaz ere mintzatu dira. Zizurkilgo Muga Ranch zalditegi berriaren edo Jokin Sukunza asteasuarrak airetik, dron bidez irudiak jasotzeko duen zaletasunaren berri ere azaltzen da. Adunan, Iñaki Aristeta herritarra herrigintzaren inguruan aritu da eta Larraul nahiz Adunan hilero haurrei zuzendutako ipuin kontaketak ere hizpide izango dira. Besteak beste, Moldaviatik (Errumania) Villabonara bizitzera etorritako Felicia Plesak bere bizipenak kontatu ditu. Aurkibidea osorik: