Datorren igandean, urtarrilak 18, Lapurdiko mendietan barrena ibilaldia antolatu du Aizkardi mendi taldeak. Biriatutik abiatu eta GR10 bidea hartuko dute Xoldokogaina (490m), Azkope (549m) eta Manttale (571m) gainak zeharkatuz, Ibardingo portura (322m) iristeko. Bertatik Larrun mendira abiatuko dira (900m) Deskargako gainetik (270m) igarota. Sara herrian (65m) amaituko da ibilaldia.
Izena emateko:
Ibilaldian parte hartu nahi duenak Aizkardiko 649717182 telefono zenbakira dei dezake (20:00-22:00) edo ostegunetan Aizkardiko egoitzara gerturatu (20:00-22:00). Izena emateko epea: Urtarrilak 15, osteguna.
Irteera urtarrilaren 18an izango da Olaederra kiroldegiaren aurretik goizeko 07:30etan. Ibilaldiko 22 kilometroak egiteko sei ordu inguru beharko dituztela aurreikusten dute antolatzaileek.
