Mari Juli Azkue Arrastoa asteasuarra larunbat iluntzean hilda aurkitu zuten etxeko garajean. Larramendi Bazkuneko zuzendaritza taldeko kidea eta Aiurriko kolaboratzailea zen. Ezbeharrak samina ekarri du beste behin ere Asteasura, oso ezaguna baitzen herrian.
Bazkuneko eta Aiurriko kideek saminez hartu dute albistea, gertuko lankide eta kolaboratzaile zelako. Denek ere doluminak azaldu nahi dizkiote bere bikoteari eta senitartekoei, une zail hauetan.
Artikulugilea: Marijuliren azken artikulua | Argazki-bilduma
Esan bezala, Juli Aiurriko kolaboratzailea zen. Besteak beste, iritzi artikuluak idatziz. Horra sorta bat. Bitxia, gainera, berriki Asteasun hil berri den Mila Garmendiari idatzitakoa izan zelako. "Burutik kendu ezinean nago Mila joan zaigun kontua. Burutik ezin joan, bihotzean barruan dudalako", horrela hasi zuen gerora bere azken iritzi artikulua izango zena. Marijuliren egoera beretsuan daude ordu hauetan bere gertuko eta ezagun gehienak ere.
Gugan bego, Marijuli Azkue Arrastoa.
