Erronka argia da: bost egunetan koreografia prestatzea. Beraz, astelehenetik ostiralera bitarteko egunak izan dituzte taula gainera igo eta dantza ikasteko. Horretarako, bi koreograforen laguntza izan dute, eta Edu Muruamendiaraz arduratu da dantzaren koordinazioaz. Guztira 85 gazte inguru aritu dira eta egunero gorputz adierazpena landu dute eskola orduetan kiroldegian.
Ekimen honek dantzak gizartean dituzten rolak apurtzera behartu ditu ikasleak eta proiektuaren helburuak harremanetarako ezohiko esparru bat sortzea, dantzaren bidez errespetuaren balioak bereganatzea eta sormena prozesu partekatu gisa ulertzea izan dira.
Astebeteko esperientzia hori jendaurrean aurkeztuko dute larunbat honetan, Saroben. Bi emanaldi egindo dituzte, bata 16:30etan gurasoei zuzenduta eta bestea 18:00etan herritar eta zale guztiei irekita.