Osasun publikoa defendatzeko manifestazioa izan zen larunbatean Tolosan, eta urtarrilean Eusko Jaurlaritzak ezarri nahi duen ESI (Erakunde Sistema Integratua) izeneko asistentzia ereduaren aurka egin zuten. Era berean, modeloaren inguruko informazio falta salatu zuten: “Guri, sistemaren ardatz garenoi, ez zaigu ESIri buruzko informaziorik eman; baina informazio eza hori ez da herritarrentzat bakarrik izan, osasun-langileei, gizarte mugimenduei, sindikatuei, Udalei eta Aldundiari ere ez zaie eman. Behin eta berriro eskatu zaien arren, (600 eskaera baino gehiago), informazioa ukatu egin zaigu.”, azaldu zuten.
Gainera, Tolosaldea osasungintzako pribatizazioaren punta besterik ez dela adierazi zuten, Tolosaldearekin probak egiten ari direla eta “ondo joaten bazaie”, gainontzeko eskualdetara aplikatuko dutel argudiatuz: “Honek horrela jarraitzen badu beste eskualdeek ikusiko dute osasun publikoaren kudeaketak kapital pribatua sartuko zaiela”.
Horregatik, Asuncion klinika publiko egitea eta Tolosaldeko espezialitateen anbulatorioaren hornikuntza osoa eskatu zuten.
