“Elkarte horrek modu miresgarri eta altruistan 1975az geroztik andoaindarren elkartasuna bideratu du. Premiazkoak ziren baliabideak martxan jarri ditu, Andoaingo herritarrek kontzientzia har zezaten, anima zitezen eta odola emateko garaian eroso senti zitezen”.
Bide batez, ekitaldia aurten zendu den Fernando Gaston Caritas taldeko kidea omentzeko baliatuko dute.
Eta beste behin ere, Caritas taldeak adierazi duenez, “Andoaingo herriari esker ona azalduko diogu, Caritas elkartearekin erakutsi duen eskuzabaltasunagatik. Eguberriei ongietorria ere emango diegu, behartsuen eta baztertuen alde bereziki lan egiten dugun ospakizunei”.
Andoaingo Caritas elkarteak ostegun honetan “Joxe Mari Olazabalen bidea” sari banaketa ekitaldiaren edizio berria antolatuko du Basteron, arratsaldeko 19:00etan hasita. Sari horrekin gizarte eta elkartasun ekintzaren bat modu jarraian egiten duen pertsona edo elkartea saritu nahi izaten dute. Aurten epaimahaiak saria Andoaingo odol-emaileen elkarteari ematea erabaki du:
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!