“Idiazabal kalea zabalik egongo da autoentzat, baina Errekalde aldetik Berrasoeta auzoko sarrera eta Txoritagain, San Juan eta Urraka auzoetara doana –Jubilatuen Etxetik igotzen dena– itxita daude. Oztopo horiek arintze aldera, ordezko bideak erabiltzeko eskaera luzatu nahi diegu urnietarrei.
Berrasoeta auzoan bizi direnek, Itxaspeko igoeratik sartu ahal izango dira auzora. Irteteko taxi geltokia dagoen bidea erabili beharko dute.
Txoritagainen, San Juanen edo Urrakan bizi direnak, Erratzuko poligonotik edo Goi Mendiko bidegurutzeko sarreratik heldu ahal izango dira auzora. Kasu honetan, auzoetatik irteteko gomendatzen den bidea Aranzubiko aldapatik Idiazabal kalera jaisten den bidea da”.
Astebururako lanekin amaitzea espero dute.
Asteartean Andoain aldetik edota Errekalde kaletik San Juan plazara igo nahi zutenek bidea moztuta topatu zuten. Astean zehar luzatuko da, Idiazabal kaleko biribilgunea eraikitzeko lanak direla eta. Hori dela eta Urnietako Udalak oharra argitara eman du:
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!