Azaroaren 12an amaituko da Errigorako saskiak eskatzeko epea

Erabiltzailearen aurpegia Aiurri 2014ko azaroaren 10a

Errigora ekimenak, auzolanean, "Hegoaldeko uzta; euskarari puzka" kanpaina jarri zuen martxan. Helburu bikoitza du egitasmoak; batetik, Nafarroa hegoaldeko nekazaritza sustatzea eta, bestetik, euskarari bultzada ematea. Izan ere, saski bakoitzaren %25 euskarazko hiru ekimenetara bideratuko da; Erriberako Ikastoletara, Erriberako AEK eta Hamarratz euskal egitasmora, hain zuzen. Saski bakoitzak 50€ko prezioa du eta azaroaren 12an amaituko da eskatzeko epea.

Saskiaren osagaiak eta saltokiak:

2 olio botila (bat ekologikoa), 2 piper poto, potxak, kardabera, mahats zuku ekologikoa, orburuak, 2 zainzuri lata, tomate saltsa ekologikoa, barazki krema ekologikoa, pikillozko marmelada ekologikoa eta ardo beltz botila ekologikoa.

Hernaniko AEKn eta Ereñotzuko Irrintzin, eta Andoainen Agro dendan eta AEKn eskuratu daitezke.

Gizartea
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!