Ondorioz, bigarren mailan hiru urte (Mikelek) eta bost urte (Ugaitzek) igaro dituzten aizkolariak biak, datorren urtean aizkolari handienekin maila nagusian aritzeko eskubidea lortu zuten larunbatean.
Aizkolari bakoitzak sei pago-enbor ebaki zituen:
bi kanaerdiko (54 ontzakoak), bi 60 ontzako eta bi oinbiko (72 ontzakoak).
Asteasuko azken denborak:
| MIKEL LARRAÑAGA ELGARRESTA (Gi) | 19’ | 59’’ |
| Ugaitz Mugerza Mendizabal (Gi) | 20’ | 33’’ |
| Luis Mari Txapartegi Gurrutxaga (Gi) | 21’ | 04’’ |
| Eneko Otaño Aizpuru (Gi) | 22’ | 44’’ |
| Arkaitz Jáuregui Gorrochategui (Ar) | 24’ | 11’’ |
| Aratz Mugertza Mendizabal (Gi) | 25’ | 54’’ |
Beraz, apurka-apurka datorren urterako aizkora mailak zehazten doaz, bigarren mailako lehiak berarekin dituen aldaketei dagokionez behintzat:
* Aurten bigarren mailakoak izan diren Antonio Senosiain eta Manuel Kañamares nafarrak, ekainean Zumarragan jokatutako bigarren mailako kanporaketan aritu ez zirenez, 2015ean hirugarren mailan egongo dira.
* Eta esan bezala, Mikel Larrañaga (24 urte) eta Ugaitz Mugerza (27 urte) gipuzkoarrak, datorren urtean lehen mailan aritzeko eskubidea eskuratu zuten Asteasun.