Ez ziren izan haiek urte errazak eta 1959ko azaroan diru-faltagatik obra gelditu beharra izan zuten. Baina Aita Beobide ez zen geldirik egotekoa, eta lortu zituen ongile berriak. Hauen diru ekarpenei esker, lanak berriz hasi zituzten; aipatzekoa da, Eduardo Atxaga eta Ramon Izagirrek burutu zutela arotz lana.
Horrela, 1964ko urriaren 15ean Enrique María Arrieta zuzendari zela eman zitzaion hasera hezkuntza jarduerari 10 irakasle eta 64 apaizgairekin. Ondorengo urteetan, mekanikako tailerra, ukuilua, eliza, antzokia, futbol zelaia, frontoia, Pake Leku egoitza, igerilekua, eta abarrekin ikastetxea osatuz joan zen. 1967ko abenduan Lanbide Eskola Baimenduna izatera iritsi zen, eta horrek ekarri zuen urte haietan ikastetxeko geletan elkarrekin izatea, barneko ikasleak ziren apaizgaiak, eta Batxilergoa eta Lanbide Heziketako ikasketak egiten ari ziren Urnieta eta inguruko herrietako ikasleak”.
Urnietako erretratu zaharrak
Argazki liburua
Argazki liburua