Datorren ostegunean, hilak 11, Katalunian Diada eguna ospatuko da, eta bertan V erraldoi bat egitekotan dira. Hori dela eta, Aiztondoko Gure Esku Dago ekimenak ere Aiztondo mailako V-a egitea pentsatu du beraiei elkartasuna adierazteko eta euskaldunok ere gure etorkizuna erabaki nahi dugula esateko. Beraz, ostegunean bertan, iluntzeko 20:00etan Villabonako Errebote plazara gerturatzeko deia luzatu du Aiztondoko Gure Esku Dago ekimenak.