Gazteak izan ziren ostiraleko protagonista nagusiak. Bertso bazkaria izan zuten plazan, eta ondoren, triki-poteoan abiatu ziren. Aurrera plazan, bitartean, kantuekin jolasean ibili ziren gaztetxoak. Dinbi bandaren batukada, suzko zezena eta kontzertuekin amaitu zuten ostiraleko jaia. Larunbatean, mozorroen eguna izan zen. Herri bazkaria, asto karrera, kapoeira ikuskizuna edota erromeria... Ekintza ugari izan zen, festarekin jarraitzeko. Igandean jai giroak ez zuen behera egin. Erraldoi eta buruhandien konpartsak, esaterako, jendearen ikusmina piztu zuen. Kros mistoa izan zen atzo 19:00etan hasita. Gaur amaituko dira jaiak.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!