Udalak diruz laguntzen ditu ikastaro hauek, beraz, euskara ikasten hasteko, maila hobetzeko, testuak egoki idazten ikasteko, azterketak prestatzeko eta erabilera okerrak argitzeko, AEK-k ateak ireki dizkie eskualdeko herritarrei. Kurtsoa urriaren 2an hasiko da eta izen emate epea irekita egongo da irailaren 26a arte.
Andoaindarrek Andoaingo AEKn eta urnietarrek Astigarragakoan euskara ikasteko aukera izango dute urritik aurrera. Euskalduntze maila guztiak eskaintzen dituzte eta 1., 2., eta 3. mailako klaseak emateaz gain, azterketetarako formakuntza ere eskaintzen dute; Andoainen EGAko azterketarako eta Astigarragan baita beste hainbatetarako ere, HABE, IVAP eta hizkuntza eskolakoak, besteak beste. Ordutegi zabala dute, goizetik gauera zabaltzen dena, eta ikasle bakoitzaren esku egongo da zenbat denbora eskaini.
Zerbait pertsonalizatuagoa nahi duenarentzat, autoikaskuntza sistema eskaintzen dute eta horrek programazio eta tutoretza pertsonalak izatea ahalbidetzen du. Gainera, eskaintza osatze aldera, ahozkotasunean trebatzeko mintzalagun zerbitzua eskaintzen dute. Astigarragako AEK-k, bestalde, Zilegi Eskolarekin batera arlo ezberdinetan euskara erabiltzeko jarduerak antolatzen ditu.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!