Oporren ondorengo lehen hamaboskaria, bihartik aurrera

'San Esteban erretegiak ateak itxiko ditu' goiburuarekin, bihartik larunbatera bitartean banatuko da oporren ondorengo lehenengo Aiurri aldizkaria harpidedunen etxeetan. Goiburuko erretegi ezaguneko nagusiei elkarrizketa egitearekin batera, herriko tabernen auziaz luze eta zabal hitz egingo da Andoain nahiz Amasa-Villabonako Irunberri eta Iratzarko kasuak oinarrian hartuta. Arratzaingo futbol zelai berria, 'Aizan, haurren mundua' ekimena edota Iñolaz erromeria taldearen berri jakiteko aukera izango du irakurleak, beste hamaika gairen artean. Lehen hamaboskari honekin batera, udako jaien errepasoa eginez, gehigarri berezia ere banatuko da. Tartean, aste honetan bertan abiatuko diren Zizurkil edota Sorabillako festen berri emanaz. Jarraian hamaboskariko gai-zerrenda, oso-osorik: