Bestetik, azaroan Feng Shui egiteko aukera izango da Lourdes Galarragaren gidaritzapean. Jatorri txinatarra duen diziplina honek inguruneak gizakiaren energian duen eragina aztertzen du eta bertan harmoniaz kokatzeko bidea erakusten du. Espazio bakoitzaren energia nolakoa den ezagutzeko balio du eta, esate baterako, etxeko altzairuen kokapena egoki jartzen erakusten du. Ikastaro hau asteazkenetan izango da, 18:30etik 20:30era, eta 25€ ordaindu beharko dute andoaindarrek eta 27’5€ kanpotarrek.
Urteroko ikastaroek aurten ere jarraituko dute. Pintura eta marrazketarako hiru aukera egongo dira: astelehen eta asteazkenetan 17:30etik 20:00etara Arantza Gabinorekin (185’20€ / 203’72€), astearte goizetan 9:30etik 12:30era Eduardo Arreseygorrekin (116’69€ / 128’36€) eta azkenik, irakasle berarekin, astearte arratsaldetan 18:00etatik 21:00etara (116’69€ / 128’36€). Arte aplikatuen ikastaroa Leire Martinek gidatuko du, astearte eta ostegunetan 18:30etik 21:00etara (185’20€ / 203’72) eta astelehenetan 9:30etik 12:30era (116’69€ / 128’36). Bestalde, Patxi Monrealek egurra tailatzen erakutsiko du astelehenetan 18:00etatik 21:00etara (116’69€ / 128’36€) eta asteazkenetan 15:30etik 18:00etara (113’48 / 124’82€).Ikastaro hauek guztiak 16 urtetik gorako pertsonei zuzenduta daude eta Extremadura 7an emango dira urriaren 6ko astetik aurrera. Matrikulatu nahi duenak Basteroko Kulturguneko harrerara edo udaletxeko atarira joan beharko du, irailaren 10etik 19ra bitartean, 10:30etik 13:30era edo 16:30etik 20:30era. Dena den, lehen hiru egunetan matrikula iazko ikasleei irekita egongo da, ikastaro eta ordutegi berdinetan izena eman nahi badute. Ikastaroetan lehentasuna izango dute Andoainen erroldatutakoek eta ikastaroren batean plaza baino eskaera gehiago baldin badaude, zozketa egingo da ikasle kopurua osatzeko.
Bestalde, herriko Zuena emakumeen taldeak ere ikastaroak antolatu ditu: pintura, musika, josten ikasteko ikastaroak, arropa konpontzeko ikastaroak, sendabelarrak, makilaje ikastaroa, yoga, pilates, tai-chi, aretoko dantzak... Urriko lehen astean hasiko dira Extremadura 2-4 bis-en. Matrikula epea irailaren 22tik 26ra egongo da irekita.
Informazio gehiago: Kultura batzordea: 943303540. Zuena emakume taldea: 606929697.