Erreboteari buruzko argazki lehiaketa, Enrique Abril txapelketaren atarian

Erabiltzailearen aurpegia Aiurri 2014ko ira. 3a, 11:30

Datorren igandean, irailak 7, 51. Enrique Abril errebote txapelketa hasiko da. Errebotearen modalitaterik zaharrenetakoa. Azken urteetako bidea jarraituz, ‘Errebote Jokoa’ri buruzko argazki lehiaketa antolatu du Behar Zana elkarteak. Igandean Behar Zana eta Endaiarrak taldeak buruz buru lehiatuko dira Villabonako Errebote plazan, goizeko 10:30etatik aurrera. Lehiaketaren hainbat zehaztapen:

-Partaidetza: beharzana@gmail.com helbide elektronikora bidali behar dira datuak.

-Beharrezko datuak: NAN, izen-abizenak, telefono zenbakia. 16 urtetik gorako pertsonek har dezakete parte lehiaketan.

-Oinarriak: Korreo elektronikoz bidaliko zaizkie parte hartzaileei.

-Epea: Irailak 7 eta urriak 5 bitartean.

-Sariak: 1.- Bi pertsonentzako bazkari edo afaria Benta Aldea bodegoian. 2.- Produktu sorta. 3.- Opari bana gainerako partaide guztientzat.

Gizartea Amasa-Villabona
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!