Herriko jubilatuek bazkaria egin ondoren, gaztetxoenek pilota partidak izan dituzte Txulobik antolatutako txapelketa dela eta. Lehenengo, aurrebenjamin mailako hiru herritarrek eta billabonatar batek jokatu dute; Inhar Iparragirrek eta Lander Zabalak 16-9 irabazi diete Eneko Lizarazu eta Aritz Jauregiri.
Jarraian, txapelketako finalak jokatu dira. Benjamin mailan, Andoaingo Arrilaga eta Belokik aurrea hartu diete Adunako Ormaetxea eta Tolosako Iztuetari, 16-9ko emaitzarekin. Alebin mailan, Zeberio eta Alberdik 16-7 egin dute Altuna eta Lopetegiren aurka. Infantiletan, Zalakain eta Goikoetxeandiak 18-12 irabazi diete Ugartemendia eta Otaegiri; eta kadete mailan, Zubizarreta eta Alberdik 22-6 irabazi diete Arruti eta Aizpitarteri.
Egin AIURRIkide!