Gogoz aritu ziren kirolariak, eta baita beraiei animatzera gerturatu ziren guztiak ere. Izan ere, ohiu, aholku eta animo izugarri entzun ziren Goiburuko plazan. Gainera, proben artean Unai Mendizabal eta Haritz Mujia bertsolariak aritu ziren bertsotan, partaideen abileziak eta desafioaren inguruko iritzia kantatzeko.
Urtero bezala, aurten ere jende andana erakarri du Goiburuko desafioak. Talde urdina eta gorria elkarren aurka jarri eta kiroltasun handiarekin lehiatu zuten.
Lehenengo, artoa aletu eta lokots apustua egin zuten. Ondoren, pirrinkarekin bi itzuli egin zituzten. Hirugarren proba oiloak lumatzea izan zen, eta biek erakutsi zuten izugarrizko abilidadea horretan. Horren ostean, sagarrak bildu eta karretilarekin plazari bi buelta eman zizkioten, eta azkenik, txapel jaurtiketa egin zuten.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!