30 lagun inguru bertaratu dira kultur etxera eta batzarrarekin hasi baino lehen, ikus-entzunezko bat ikusi dute Foru Aldundiaren eskumenak zein diren argitzeko asmoz. Ondoren, herritarrek hartu dute hitza eta askotariko gaiak izan dituzte izpide: etxekaleratzeak, autobus zerbitzua, errepideen egoera, bidegorriak, kirol instalakuntzak, lehen sektorearen egoera, ekonomia, aberatsen zerga...
Dena den, bi erabaki garrantzitsuren berri eman diete herritarrei. Batetik, herri hasierako errotondako konponketak egingo dituzte, eta bestetik, Donostiara doan autobus zerbitzua 2015eko urtarriletik aurrera Bakearen Usoa plazaraino joango dela.
Martin Garitano eta Mikel Pagola pozik agertu dira eta bileraren balorazio ona egin dute, espero baina jende gehiago agertu delako. Garitanok argi azaldu du uztailaren 17ko egun eguzkitsu batean ez dela erraza horrenbeste jende biltzea: “Parte hartzeko kultura hori sortu egin behar da, eta ez da egun batetik bestera sortzen. Alde horretatik pozik eta baikor gaude”.