123 kilometro ehun bat mila eskuekin lotzeko erronka hartu dute ekainaren 8an, “baina ekimena arrakastatsua izango bada, Iruñea eta Durango gure eskuekin lotuta egongo direlako izango da. Hausturarik gabeko kate sendoa osatu dugulako. Hori dela eta, berebiziko garrantzia du kilometro guztiak jendez betetzeak, eta horregatik eskatu dizuegu ekainaren 8an bakoitzak aurrez hartutako kilometrora joateko konpromisoa. Berriz ere eskatzen dugu bakoitza egokitu zaion lekura joateko, hori baita ekimenaren arrakastaren gakoa”.
IRIZPIDE OROKORRAK
-Zure metroa eskuratu. Oso garrantzitsua da metroa aurrez eskuratzea, antolakuntzak
aurreikuspen egokia egin dezan. Ekainaren 8an, dagokizun metroan kokatu.
-Autobusean apuntatu. Lehentasun osoa izango dute autobusek, eta beraz, garraio modurik erraz, eroso eta egokiena izango da.
-Gure Esku Dago-ren kamiseta eraman.
-Zure metrora nola heldu nahikoa denborarekin informatu.
EGUNERAKO IRIZPIDEAK
-Autobusek lehentasun osoa izango dute.
-Garaiz iritsi zaitez dagokizun metrora.
-Kasu egin antolakuntzako arduradunei. Behar bezala identifikatuta egongo dira
arduradunak.
-Giza katea errepidearen ezker aldean osatuko dugu, Durangotik Iruñerako
norabidean. Horrela kokatuko gara, arduradunek besterik esaten ez badute.
-Giza kateari soinu ozen batekin emango zaio hasiera eta amaiera, tokian tokian. -Segurtasun arauak errespetatu: Bide bazterrean egon / Errepidea, zati askotan, ez da moztuta egongo. Beraz, kontuz autoekin eta autobusekin / Edozein ezbehar gertatzekotan, jarri berehala harremanetan antolakuntzarekin / Osasun arazoak egotekotan, eman bide anbulantzia edo gainerakoei / Segurtasunerako langileek lehentasuna dute une oro: Anbulantziek, Udaltzaingoak, Foralak, Ertzaintzak… / Zaindu ingurua. Zaborrak bildu eta eraman / Giza katea amaitzen denean era ordenatuan joan, lasai, antolakuntzarako arduradunei kasu eginez / Giza katearen ondoren ekitaldiak egingo dira, guneka, Durangon, Bergaran, Lazkaon, Arbizun eta Iruñean. Guztientzako tokia egongo da eta egunpasa polita egiteko aukera.
GOMENDIOAK
-Autobusean joatea gomendatzen da.
-Oinez ibiltzeko moduko arropa erosoa eraman.
-Ura eta edatekoak eramatea ezinbestekoa da. Kilometro gehienak errepide erdian
izango dira, edaririk hartzeko aukerarik gabe. Denbora dezente emango dugula kontuan
hartu, eta beroa egin dezakeela.
-Eguraldi ona egiten badu: Arropa egokia, txanoa, eguzkitarako babesa (krema), eguzkitarako betaurrekoak.
-Euria egiten badu: Uretako arropa, uretano oinetakoak, aterkia.
-Jatekoa eraman.
-Adinekoa bazara, aulkia eraman ezazu.
-Haurrak badituzu, ez galdu! Zure telefono zenbakia idatzi haurrari.
-Etxeko animaliak badaramatzazu, lotuta eraman.
-Autoz bazoaz: Modu ikusgarrian jar ezazu zure kilometro zenbakia /Antolakuntzaren trafiko irizpideak jarrai itzazu / Parkinak seinalizatuta egongo dira /Kontuan hartu autobusek lehentasun osoa dutela / Telefonoa kargatuta eraman.
ORDUTEGIA
Oso garrantzitsua da, funtsezkoa, ordutegia zorrotz betetzea. Giza katea ondo ateratzeko
gakoetako bat izango da.
10:00 Parte hartzaileak bakoitza bere kilometrora helduko dira.
10:00-11:30 Giza katea prestatuko da modu animatu eta ordenatuan.
11:30 Dena prest!
12:00 HASIERA. Txalapartak, adarrak, kanpaiek, bozinek edo beste soinuren batek emango dio hasiera.
12:00-12:30 GIZA KATEA.
12:30 Katearen BUKAERA. Soinuak adieraziko du amaiera, eta denok ekitaldietara joango gara ondoren.
12:30-13:00 Irteera bideratu. (Autobusek lehentasun osoa).
14:00 EKITALDIA.
Antolakuntzak hurrengo ekitaldi banaketa izendatu du, trafiko arazoak saihesteko eta
herri guztietan jendea bermatu ahal izateko.
DURANGO: 1Km-tik 21.Km-ra bitartean. (biak barne)
BERGARA: 22.Km-tik 41.Km-era bitartean. (biak barne)
LAZKAO: 42.Km-tik 70.Km-ra bitartean. (biak barne)
ARBIZU: 71.Km-tik 103.Km-era bitartean. (biak barne)
IRUÑEA: 104.Km-tik 123.Km-era bitartean. (biak barne)
Ondoren, jai giro eta egun pasa bikaina egongo da 20:00ak arte tokian tokiko egitarauekin osatua.