Realak gaur eguerdian aditzera eman duenez, datorren denboralditik aurrera Jon Gaztañaga lehen taldeko jokalaria izango da. Joseba Zalduarekin batera, "gaur goizean harrobiko bi jokalariek haien bizitzako berririk onena jaso dute. Jaio zirenetik txuri-urdinak, Josebak eta Jonek gogor lan egin dute beheko kategorietan gehien maite duten lehen taldeko jokalariak izateko. Anbizio handiagoko helburua lortzeko lehen pausua da: Realarekin elitean finkatzea". Zorionak Jon!
"Oso pozik nago lehenengo taldera saltoa emateagatik, izan ere, hamaika urterekin etorri nintzenean nire ametsa lehenengo taldera iristea zen. Zorte ona izan eta lortu egin dut. Azpiko kategorietan dauden guztien ametsa da hona iristea, horregatik, poza sentitzet dut. Orain, ordea, lanean gogor jarraitzeko unea da, ahalik eta minutu gehien edukitzeko. Eguneroko entrenamenduetan ahal dudan hobekien lan egiten jarraituko dut, eta nire ustez, lanean jarraituz gero minutuak izango ditugu. Nik nire esku dagoen guztia egingo du ahalik eta minutu gehien edukitzeko.
Urte hasieran banekien aukeraren bat balego aprobetxatu egin beharko nukeela. Jokatutako partiduetan gustura sentitu naiz. Orain lanean jarraitu beharko dugu datorren urtean ere minutuak edukitzeko. Nik uste bai Sanse bai eta Errealak urte ona egin dugula, bigarren urtez Europan sartzea pauso garrantzitsua da. Azken urteetan, bigarren mailatik igota irautea zen helburu nagusia, eta orain ikusita Europan bi urtez egon garela, lorpen handia da. Sansek ere urte polita egin du; beti izan ditugu gorabehera batzuk, baino hori normala da. Azkenengo bi urteekin konparatuta, azkenengo 2 edo 3 jardunaldietarako salbu ginen eta horrek esan nahi du lana ondo egin dugula.
Nik uste dut urte polita izango dela, bigarren aldiz Europako lehiaketan egongo garelako. Lana eginez eta egunerokotasunean konstatnte izanez, emaitza onak etorriko dira".
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
