Txotx boladari hasiera emateko, Sagardo Berriaren Eguna ospatu zuten Astigarragan, eta bertan kanpoko komunikabideen presentzia aurreko urtetakoa baino handiagoa izan da. Horrek, noski, atzerriko bisitariengan eragina izan du eta kanpoko jendearen parte-hartzea handitu du. Izan ere, sagardotegietan antolatutako probaketek arrakasta handia izan dute eta gipuzkoarrez gain, asteburu pasa etorritako Cantabria, Asturias, Madril eta Frantziako bisitariak ere izan dira tartean, bisitarien %26 hain zuzen. Krisiaren eragina Gipuzkoarren artean nabaritu da gehienbat, bertakoen sagardotegietarako joan-etorria murriztu egin baita.
Bestalde, Sagardoetxeako salmenten kopurua %15a igo da txotx bolada honetan eta sagardotegien kasuan bezala, atzerritarren kopuruak ere goraka egin du. Igoera honen arrazoia esperientzia turistiko ezberdinen sorrera izan da. Azkenik, sagardotegi denboraldiak inguruko zerbitzuetan ere eragina izan duela adierazu dute, batez ere, ostatuetan eta garraio publikoan.