"Abertzaleon helburu nagusia euskal nazioa eskuratzea da. Helburu hori lortzeko, XXI. mendeko abertzaleok gai izan behar dugu urrats egokiak eman eta etorkizuna egoki eraikitzen joateko. Ezin dugu ahaztu nazio hori pertsonek osatzen dutela, gizon -emakume horien borondate eta eskubideak aldarrikatu eta babestu behar ditugula.Garai berri honetan, adi begiratzen diogu Eskozian edo Katalunian ematen ari diren pausoei. Uniformitatean edo lortutako botere esparruetan mantentzea, atzean geratzea da, datorkigun errealitate berrian kokapena galtzea. Egitura politiko propioa lortu nahi dugu gure gizarte nortasuna, ekonomikoa, kulturala eta politikoa babesteko eta garatzeko.
Horretarako, eguneroko lanean oinarritu beharko dugu, pauso-txikiz, baina etenik gabe. Herrigintza eta aberri eraikuntza guztion lana dira, eta lan-esparruezberdin eta zabaletatik ekin litezke.Euskadi nazio zaharra da, berriztatu eta indartu egiten dena. Euskadi gero eta independenteagoa behar dugu, eta era berean, mundura gero eta irekiagoa izango dena. Gure arbasoetatik ikasi genuen herri hau maitatzen,eta etorkizuneko belaunaldi berriek jarraituko dute euskal aberriaren defentsan. Aberri bizi bat gara, martxan doan aberria.
Herri bat garelako eta euskadi gure aberri bakarra delako, etorkizunean zer izan nahi dugun erabakitzea guri dagokigu!
Gora Euskadi askatuta!".