Jon Ormazabal, Unai Mendizabal eta Joseba Otaegi nagusitu dira “Harituz herriarteko I. bertsolari txapelketa”n. Hamar herriko hamaika talde aurkeztu dira. Zizurkil eta Berastegi iritsi ziren Anoetan jokatu zen finalera, eta bart gauean zizurkildarrak nagusitu ziren.
Txapelketa | Irabazleen soslaia:
Umetan bertso eskolan ibilitakoak dira Joseba nahiz Jon, baita eskolarteko txapelketetan jardundakoak ere. Tarte batean bertsolaritza baztertuta izanagatik, gogotsu datoz Harituz herriarteko bertsolari txapelketara. Unai, bestalde, 12 urte zituela hasi zen Asteasuko bertso eskolan. Geroztik Andoaingo taldean ibilitakoa eta egun bertso eskola ibiltariko kide da. Txapelketa ugaritan hartu du parte. Iaz Plazatik Gaztetxera txapelketako irabazle izan zen. “Ilusioa egiten dit txapelketan beste bi taldekideekin batera parte hartzeak. Ondo pasatzera gatoz”, aitortu du Unaik. Martxoaren 7an Alegiako taldea izango dute arerio Zizurkilen.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!