Ostegunean eta ostiralean zehar banatuko da labetik ateratzear dagoen Aiurri hamaboskariaren 426 zenbakia, harpidedunen artean. Sorozabaletik Mendiluzera du izenburu, bi andoaindar bertsolari handien irudia azalean duela. Izan ere, Andoaingo eragile ezberdinek esker-oneko ekitaldiak antolatu dituzte astebururako bi bertsolairen ibilbideari aipamena egin asmoz. Ekimenaren berri ez ezik, bi bertsolariei egindako elkarrizketak biltzen ditu aldizkariak. Era berean, Iraitz Lizarraga aktore zizurkildarrari edota egun Villabonan bizi den Zigor Lanpre DJri eginikoak ere bai. Tartean, Joxe Mari Kortajarena Iribarren larrauldarrarekin izandako solasaldiaren emaitza ere bai, atzoko eta gaurko bizimoduaz hitz egin du eta pasarte bitxi ugari kontatu. Herritarren txokoan, Zizurkilgo Josefina Tapia Urkiaren txanda izango da. Segidan, gai-zerrenda osorik:
HAMABOSTEAN BEHIN
-Non zer / Staffa / Iritzia: Mikel Mancisidor
-Aiurri.com webgunearen jarraipena
-Zorion agurrak / Demografia: Jaiotzak eta heriotzak
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
