Han eta hemen geroz eta nabarmenago egiten ari da “Gure esku dago” mugimendua, euskal herritarren erabakitzeko eskubidea aldarrikatzera datorrena. Helburu nagusi bat dago herri ekimen horren atzean, datorren ekainaren 8an Durango-Iruñea elkar lotuz giza-kate erraldoia egitea.
Milaka pertsona beharko dira egun horretarako. Dagoeneko herri bakoitzeko zenbat pertsona eta zein herritan egon behar duten zehaztuta dago.
Herrialde askotan dagoeneko ekimena bideratuko duten taldeen aurkezpenak egin dira eta laster iritsiko da Andoaingoena. Datorren martxoaren 14an aurkezpen ekitaldia egingo dute Basteron, arratsaldeko 19:00etan hasita. Ekitaldia irekia izango da, sustatzaileek ahalik eta jendarte zabalenera heltzea beharrezko dela ulertzen baitute.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!